Hausten er -og har vore travel med mykje arbeid ved sidan av Knaken. Christoffer har mellombels tilsetting som emneansvarleg på høgskulen i Sogndal (sjølv om han ikkje er heilt komfortabel med tittelen «Assistant Professor» på engelsk…). Tilsettinga i ungdomslaget krev og sitt (m. a. arrangerer Sogn og Fjordane Ungdomslag og Huset i Bygda kulturbyggkonferanse 3. november. Alle som er involvert i frivillig arbeid bør sjå nærare på den!).
Den gode opplevinga står framleis i fokus på Knaken. Det same gjer formidling av både den nære og litt meir fjerne historia i Kaupanger.
For tiden har vi to ulike prosjekt gåande. Det eine prosjektet er ein studie av tunet til Kaupanger Hovedgård og korleis tunet har endra seg i perioden mellom 1600-talet og fram til i dag. Dette arbeidet vil og munne ut i ein rekonstruksjon av det gamle hovudhuset som brann ned jula 1850. Det andre prosjektet omhandlar kaupangen og er ein djubdestudie av utgravingane og registreringane på sørsida av Kaupangselvi.
Arbeidet med tunstrukturen har førebels avdekka moglegheita for at ein steinkjellar registrert i 2015 er restar av det første skulehuset i Kaupanger. Dette kan du lese meir om her: knaken.no/wp-content/uploads/2018/10/Skisse_skulebygning.pdf
(nettstad: knaken.no/spora-i-landskapet/om-ein-steinkjellar-og-det-forste-skulehuset-i-kaupanger ...
